បាល់ទាត់ពិភពលោក៖ ការប្រកួតជម្រុះជុំទី១ នៃFIFA World Cup 2026 និង AFC Asian Cup Saudi Arabia 2027 ត្រូវបានបញ្ចប់កាលពីថ្ងៃអង្គារទី១៧តុលាហើយ។
គួរឱ្យសោកស្ដាយណាស់ ក្រុមជម្រើសជាតិគោព្រៃកម្ពុជាបានត្រឹមតែស្ពាយបង្វិចបទពិសោធជូនជាតិសាជាថ្មី ក្រោយបរាជ័យក្រោមថ្វីជើងក្រុមជម្រើសជាតិប៉ាគីស្ថាន១-0។
ជាមួយគ្នានោះ ក្រុមជម្រើសជាតិកម្ពុជា បានដឹកដៃឡាវ, ប្រ៊ុយណេ និងទីម័រខាងកើត ត្រឡប់មកមាតុភូមិវិញ ទន្ទឹមនឹងបងប្អូនអាស៊ីអាគ្នេយ៍៧ប្រទេសផ្សេងទៀត ដែលរួមមាន៖ ឥណ្ឌូណេស៊ី, ថៃ, វៀតណាម, ម៉ាឡេស៊ី, មីយ៉ាន់ម៉ា, ហ្វីលីពីន និងសិង្ហបុរី កក់កៅអីទៅវគ្គបន្ទាប់…។
តាមរយៈលទ្ធផលប្រកួតជម្រុះទាំងពីរជើង(ក្នុង និងក្រៅដី) កម្ពុជា, ឡាវ, ប្រ៊ុយណេ និងទីម័រខាងកើត បានហាលអាវសម្ងួតញើសមកផ្ទះរៀងៗខ្លួនវិញ។
ពិតណាស់ កម្ពុជាបរាជ័យក្រោមថ្វីជើងប៉ាគីស្ថាន ដោយលទ្ធផលនៃការការប្រកួតជើងទី១ គឺ០ស្មើ ប៉ុន្តែជម្រុះជើងទី២ កម្ពុជាបានចាញ់ប៉ាគីស្ថាន១-០ ខណៈក្រុមជម្រើសជាតិឡាវត្រូវបានបំបាក់ដោយក្រុមជម្រើជាតិនេប៉ាល់នៅជើងទីពីរ ១-០ដូចគ្នា
បន្ទាប់ពីការប្រកួតជើងទី១ ទទួលបានលទ្ធផល១ស្មើ សរុបទាំងពីរជើង ក្រុមឡាវចាញ់នេប៉ាល់ក្នុងលទ្ធផល១-២។អានព័ត៌មានកីឡាថ្មីៗ
រីឯប្រ៊ុយណេត្រូវបាន ក្រុមជម្រើសជាតិឥណ្ឌូណេស៊ី ទម្លាក់យ៉ាងអាម៉ាស់បំផុត ដោយរប្រកួតជើងទី១ ចាញ់ឥណ្ឌូណេស៊ី៦-០ និងជើងទី២, ចាញ់ ៦-០ ទៀត សរុបទាំងពីរជើង គឺ១២ទល់នឹង០ឯណោះ។
ចំណែកឯក្រុមទីម័រខាងកើត បានបរាជ័យក្រោយថ្វីជើងក្រុមចិនតៃវ៉ាន់ ដោយលទ្ធផលនៃការប្រកួតជើងទី១ ចាញ់តែវ៉ាន់៤-០ និងជើងទី២, ចាញ់ ៣-0 ទៀត សរុបទាំងពីរជើង ៧-០។
