អ្នកគាំទ្រក្រុមវិសាខា បានសម្តែងការខកចិត្តយ៉ាងខ្លាំង បន្ទាប់ពីក្រុមទទួលរងបរាជ័យក្រោមថ្វីជើងរបស់ក្រុមព្រះខ័នរាជស្វាយរៀង 0-១ នៅឯកីឡាដ្ឋានព្រីនស៍ កាលពីថ្ងៃទី២៤កញ្ញា ឆ្នាំ២០២៣។
លទ្ធផលអវិជ្ជមាននេះ បានធ្វើឱ្យអ្នកគាំទ្រក្រុមវិសាខាជាច្រើននាក់ប្រតិកម្មខ្លាំងទៅលើការដឹកនាំក្រុមរបស់គ្រូបង្វឹកលោក ស៊ីម៉ុន ម័កមេនីមី ដែលបន្តបរាជ័យ៣ប្រកួតជាប់ៗគ្នា…។
ក្រោមការដឹកនាំរបស់លោក ស៊ីម៉ុន ម័កមេនីមី ៣ប្រកួតចុងក្រោយរបស់ក្រុមវិសាខា មិនទទួលបានលទ្ធផលគាប់ប្រសើរនោះឡើយ ពោលគឺប្រកួតតទល់នឹងក្រុមបឹងកេត ភ្នំពេញក្រោន និងស្វាយរៀង គឺមិនអាចយកជ័យជម្នះបានទ្បើយ
ខណៈអ្នកគាំទ្រមើលឃើញថា លទ្ធភាពដឹកនាំរបស់លោកស៊ីម៉ុន ម័កមេនីមី អាចយកឈ្នះលើក្រុមដែលមានកម្រិតនៃការលេងទាបជាងខ្លួនដាច់ដូចជា៖ ក្រុម គិរីវង្សសុខសែនជ័យ អាយអេសអាយ និងក្រុមណាហ្គាវ៉ើលដ៏
ប៉ុន្តែបើក្រុមដែលមានសមត្ថភាពប្រហាក់ប្រហែល គឺលោក ស៊ីម៉ុន ម័កមេនីមី ដឹកនាំបានយ៉ាងច្រើនត្រឹមស្មើ ឬបរាជ័យតែប៉ុណ្ណោះ គិតត្រឹមសប្តាហ៍ទី៦នៃក្របខណ្ឌលីគកំពូលកម្ពុជា នារដូវកាល ២០២៣-២៤នេះ។
បុរសសញ្ជាតិស្កុតឡេនវ័យ៤៥ឆ្នាំខាងលើនេះ បានចូលមកកាន់តំណែងជាគ្រូបង្វឹករបស់ក្រុមវិសាខា កាលពីដើមខែមករា ឆ្នាំ២០២៣ មកម្ល៉េះ។
ប៉ុន្តែក្រោមការដឹកនាំរបស់លោកបានរបូតអស់ពានរង្វាន់ League Cup និងSuper Cup ឆ្នាំ២០២៣។អានព័ត៌មានកីឡាថ្មីៗ
